Sangli News : कृष्णेसह पाच तालुक्यांतील तलावांसाठी उपसाबंदीचा आदेश

https://www.youtube.com/watch?v=S4kVIZ8_XEM

ऐन पावसाळ्यात कृष्णा नदीतील पाणी पातळी वेगाने खाली गेल्याने जिल्ह्यातील नदीपात्रातून केला जाणारा पाणी उपसा रविवारपासून अचानक पूर्ण बंद करण्यात आला. त्यामुळे जिल्हा दुष्काळाच्या उंबरठ्यावर असल्याचे पुन्हा स्पष्ट झाले. परतीच्या पावसाची आशा असली, तरी ढग येतात आणि जातात. रविवारी रात्री काही ठिकाणी पाऊस झाला असला तरी तो झिरमाट म्हणता येईल, असाही नाही. त्यामुळे शेतकऱ्यांच्या डोळ्यांत मात्र पाणी आहे. सध्या अनेक तालुक्यांत पिके होरपळली आहेत, तर उर्वरित पिकेही होरपळण्याची शक्यता आहे.

प्रकल्प, नद्या व तलावांमधून शेती तसेच औद्योगिक कारणांसाठी (बिगर सिंचन) खासगीरीत्या पाणी उपसणाऱ्या सर्व योजनांवर उपसाबंदी लागू आहे. हा आदेश पुढील सूचना मिळेपर्यंत लागू राहील, अशी माहिती सांगली पाटबंधारे विभागाच्या कार्यकारी अभियंता सीमा मोहिते यांनी दिली. जिल्हाधिकारी डॉ. मैनाक घोष यांच्या आदेशानुसार ही कार्यवाही करण्यात आली. केवळ पिण्याचा पाणीपुरवठा करणाऱ्या योजनांना उपसाबंदीतून सूट आहे.